Search

विचारका भग्नावशेष

जिन्दगी यातायात

जीन्दगी यातायात
बेरोजगार मलाई यस जिन्दगीले जागिरको अवसर दिएको छ
जा गिर्
चालक बनाइदिएको छ , आफ्नै जिन्दगीको , डोर्याउदै छु अनि दोहोर्याउदै छु
त्यहि प्रक्रिया रात दिन
तर यो जीन्दगी यातायातले कुन मोड लिन्छ
जनाउ दिने कुनै साइडलाइट छैन
कुन बेला कस्तो स्थिति आइपर्ने हो
दशाको हर्न यहा चुप भएर बसिदिन्छ
आसुको अविरल धाराले पांग्रा गुड्ने बाटोनै चिप्लो बनाइदिएको छ
भाग्य चिप्लिन्छ , समातौ भने सक्दिन
पछाडिको साइलेन्सरबाट निस्किएको कालो धुवा
मेर अगाडिको भुतभन्दा कम छैन
कालो, अँध्यारो अनि विषादी
जागिरको तनखा पनि तँ नखा भनेर दिएझै
बरु मार मलाइ
नभए खुसी देउ म र मलाइ
म र मलाइ

Advertisements

उनले भनिन्

म तिमीसँग खुसी हुन सक्दिन
उनी खुसी हुन सकिनन्
म स्थिर हुन सकिन
सिथिल भए, गोडा जोडिए
आशुको पातलो पर्दाले आखाको झ्याल ढ्याप्पै लगायो
सडकपेटिमा ज्यान अडियो तर मस्तिष्क हामी डुलेका ठाउ फेरि एक राउन्ड हानेर आइपुग्यो
फेरि झस्काउने गरी आयो, ठोक्कियो म सँग मेरो दिमागमा
अगाडि बाइकको हर्न जोडले बज्यो
खै कसरी बिच सडक पुगिसकेछु
सम्हालिदै किनारा आइपुगे, गाडिको लाइट देखेँ गाडी देखिन
पर्दा अझै पनि लागिनै रहेको थियो
पानी पर्यो सिम सिम, सिम सिम, अलि ठूलो थोप्ला र दरङरङ दर्कियो अब
आखा आशुले भिज्यो, शरीर वर्षाले र मन …
मन त खाली थियो, रित्तो
तौलबिनाको भार झै, उनीबिनाको निधारझै
निथ्रुक्क भिजेछु, घर पुग्दा पुरै भिजेको
उनलाइ दिन भनेर किनेको गुडियाले पनि नुहाइसकिछे
काधमा भिरेको ब्यागपनी भिजेछ
ब्याग खोलेर हेरेँ,मेरो छाता चाहिँ भिजेको थिएन

म तिम्रो प्रेमी कि दुश्मन?

दुई आँखा जुध्दा सल्केको प्रेमको दियोमा मैले तेल थपे कि पानी खै थाहै भएन
म तिम्रो खुसी नै देख्न सक्दिन, म कसरी तिम्रो प्रेमी हुन सक्छु
तिमी कोहि अरु सँगै उसको अधरमा रमाएर हिड्छौ, खै किन हुन सक्दिन म खुसी तिम्रो मुस्कानमा
मलाई मन पर्न छोड्यो अब तिम्रा लाली ओठ अनि तिम्रो घुम्रीएको कपाल
मलाइ गन्हाउन थाल्यो अब तिमीले छर्ने अत्तर, अनि भद्दा लाग्न थाल्यो तिम्रो बनावट
मेरा आँखा रुचाएनन् तिम्रो तस्वीर अनि मेरो कानले बुझेन तिम्रो शब्द
अङ्गालोले बुझेनन तिम्रो अभाव र मनले बिर्सनै सकेन तिम्रो प्रभाव
मलाइ त म आफै पनि मन पर्न छोड्यो, किनकी म त अझै तिमी
तिमी तिमी भनेर बसिरहेको छु
तर हो मलाइ तिम्रो हासो अब मनपर्दैन
तर सुन न प्रीया, कहिल्यै आखामा पानीको छाल नल्याउनु है
म त आफैलाइ रोक्नै सक्दिन, किनकी म तिमीलाइ घृणा गर्ने भक्त हुँ
भन अब, म तिम्रो प्रेमी कि दुश्मन?

धरावासी

धर्तीमा बस्ने एक मानव

यहाँ तपाईंहरुले विभिन्न नेपाली लेखाइ तथा रचनाहरु पढ्न सक्नुहुन्छ ।

Blog at WordPress.com.

Up ↑